ભાવનગરના યશવી ભટ્ટી એ પ્રથમવાર મતાધિકારનો ઉપયોગ કરી લોકશાહીના પર્વમાં ભાગીદારી નોંધાવી

સ્થાનિક સ્વરાજ્યની ચૂંટણી અંતર્ગત ભાવનગર જિલ્લામાં મહાનગરપાલિકા, નગરપાલિકા અને તાલુકા પંચાયત, જિલ્લા પંચાયતની ચૂંટણી હેઠળના વિસ્તારોમાં શાંતિપૂર્ણ વાતાવરણમાં મતદાન યોજાઇ રહ્યું છે. આ મતદાન પ્રક્રિયામાં મતદારો પોતાનો મતાધિકારનો ઉપયોગ કરીને લોકશાહીના પર્વમાં ઉત્સાહભેર સહભાગી થઈ રહ્યા છે ત્યારે ભાવનગરના યશવી કિરીટભાઈ ભટ્ટી એ પ્રથમવાર મતાધિકારનો ઉપયોગ કરી લોકશાહીના પર્વમાં ભાગીદારી નોંધાવી હતી. 

આ તકે યશવી ભટ્ટીએ મતદાન કર્યા અંગેની ખુશી વ્યક્ત કરતા જણાવ્યું હતું કે મેં આજે પ્રથમ વાર મતદાન કર્યું છે, જેનો મને ખૂબ જ ઉત્સાહ છે. દરેક મતદારોએ પોતાના મતદાન મથકમાં જઈ મતદાન કરવું જોઈએ અને આ લોકશાહીના પર્વમાં દરેકે પોતાની ભાગીદારી નોંધાવવી જોઈએ. આ ઉપરાંત યશવી ભટ્ટીએ એ દરેક મતદારોને મતદાન કરવા અપીલ કરી હતી.